Na Asha Mwakyonde, Mbeya
KATIBU Tawala wa Mkoa wa Rukwa, Gerald Kusaya ameipongeza Benki ya Ushirika Mkoa wa Kilimanjaro (KCBL),kwa
kuongeza mtaji wa zaidi ya Sh bilioni 4 katika kipindi cha miaka miwili na kufikia Sh bilioni 6.
Pia ameutaka uongozi wa benki hiyo kuongeza wigo wa kufungua matawi zaidi mikoani ili kuwarahisishia wananchi huduma.
Kusaya ameyasema hayo jijini Mbeya leo 4, 2023 wakati alipotembelea Kijiji cha ushirika kinahoratibiwa na Tume ya Maendeleo ya Ushirika (TCDC), kwenye maonesho ya Wakulima na Wafugaji (Nane nane), ambayo yanafanyika Kitaifa mkoani hapa katika viwanja vya John Mwakangale yenye kaulimbiu isemayo 'Vijana na Wanawake ni Msingi Imara wa Mifumo Endelevu ya Chakula',amesema kuna mabadiliko makubwa katika sekta ya ushirika kupitia benki hiyo.
Amesema wanaushirika wakijiunga wengi watawezesha mtaji wa benki hiyo kuongezeka haraka zaidi na kuweza kufikia malengo waliyojiwekea.
"Benki hii ili iweze kukua zaidi inategemea wanaushirika hivyo jitokezeniwana ushirika popote walipo nchini," ameeleza Katibu Tawala huyo.
Naye Mkuu wa Kitengo cha Mikopo na Biashara KCBL, Frank Wilson,
amesema wana malengo ya kufikisha mtaji wa Sh bilioni 15 ifikapo Oktoba mwaka huu ili waweze kupata leseni ya kuwa benki ya taifa ya ushirika.
"Mwitikio wa watu kujiunga na benki hii ni mkubwa hali inayosababisha kuongeza mtaji wa zaidi ya Sh bilioni 4 kwa miaka miwili," ameeleza.
Ameongeza kuwa katika mwaka 2022/23 benki hiyo imekopesha zaidi ya Sh bilioni 3 na kati ya hizo Sh bilioni 1 walikopeshwa vijana na wanawake wanaojihusisha na kilimo.
0 Comments